عرفت ان الوفــا نــادر وغدر هو جزا الاحسان

مسـاحات الفـرح تصغر ولا يبقـى سـوى همي
وضيـاع احـلام وفـراق تـرك فـي داخلي بركان

تعبت استوهم الفرحه ..تعبت ابكي على حلمي
تعبت اوقف على اطلاله وادور له على عنوان

اشوفك يالحزن وافـي كــأن اللـي رضعـك امي
او انك جيت من غربه ولقيت فداخلي اوطـــان

جرى طبع البدو بدمك..فزعت بحـربي وسلمي
تسل السيف في وجه الفرح وتعزز الحــرمـان

اداويــك وتــداوينــي وتخلـــط دمـــك ابــدمــي
قطفت القلب وعـروقه وتبــدل داخــلي شـريـان

واذا اقبلــت بجــروحــي تنــادينــي هـــلا عمي
وانا أجــاوب هــلا باللـــي وفا اكثر من الخلان

وأشكيلك من جروحـي وأشكي من تعب ظلمي
وتغرقنــــي بأفضــالك الا من جيــت لك تعبــان

ومــنك بس عــرفت اطبـــاع ناسـي يابطل فلمي
عرفت ان الوفــا نــادروغدر هو جزا الاحسان

عرفت الدنيا ماتســوى وانا مــاكــان ذا علمـي
حسبت انها عزيزة شان وأثرها مالهـا اي شان

انا مــاكنت غيــر انــي صــريح والصدق جرمي
وأثر مايعيش بالفرحه سوى الكاذب مع الخوان

انا يكفينـي لا منــي رحـلت اتـــرك صدى اسمي
تــزين بالـوفا ولـو البشـر خــانوا انا الكســبان

وانا مبطي انقتل فرحــي ولا باقــي ســوى همي
وضيـاع احــلام وفـــراق ترك في داخلي بركان

الشمري